கடந்த 2010ஆம் ஆண்டு இயக்குனர் சற்குணம் 'களவாணி' படம் மூலம் கோலிவுட்டில் இயக்குனராக அறிமுகம் ஆனார். இந்த படம் தந்த வெற்றியை அடுத்து அவர் 'வாகை சூடவா', 'நய்யாண்டி', 'சண்டிவீரன்' ஆகிய படங்களை இயக்கினார்.
மேலும் விமல், லட்சுமி மேனன் நடித்த 'மஞ்சப்பை' என்ற படத்தை தயாரித்த சற்குணம் தற்போது நயன்தாரா நடித்து வரும் 'டோரா' என்ற திகில் படத்தை தயாரித்து வருகிறார்.
இந்நிலையில் இயக்குனர் சற்குணம் தனது முதல் படமான 'களவாணி' படத்தின் இரண்டாம் பாகத்தை இயக்கவுள்ளதாக ஒருசில ஊடகங்களில் செய்திகள் வெளியாகின. இந்த செய்திக்கு சற்குணம் தற்போது விளக்கம் அளித்துள்ளார்.
அவர் வெளியிட்டுள்ள செய்திக்குறிப்பில் கூறப்பட்டுள்ளதாவது: 'என்னுடைய அடுத்தப்படமாக களவாணி இரண்டாம் பாகம் இயக்கபோவதாக செய்திகள் வந்தவண்ணம் இருக்கிறது, நான் அடுத்து நடிகர் மாதவன் அவர்களை வைத்து தான் அடுத்த படத்தை இயக்க போகிறேன் என்பதை ரசிகத்களுக்கும் அனைத்து மிடியா நண்பர்களுக்கும், இதன்மூலம் தெரிவித்துக்கொள்கிறேன். என்னுடைய இயக்கத்தில் மற்றும் தயாரிப்பில் வரும் படங்களுக்கு தொடர்ந்து ஆதரவு அளித்து வரும் தாங்களுக்கு இத்தருணத்தில் நன்றியைத் தெரிவித்துக் கொள்கிறேன்' இவ்வாறு இயக்குனர் சற்குணம் தெரிவித்துள்ளார்.
No comments:
Write comments